आजवर इतके ट्रेक केले .....पण
हा त्यात फारच निराळा ठरला .....
तस पाहयला गेले तर ...प्रत्येक ट्रेक चा अनुभव हा वेग वेगळा आणि
अविस्मरणीयच असतो .
पण आजचा आमचा हा ट्रेक हि तसाच पण जरा त्याहुनी वेगळा अन अविस्मरणीय
असा ठरला.
वाट चुकण्यात जो आनंद असतो ना ...तो नेहमीच्याच रुळलेल्या वाटेने
जाताना नाही मिळत ,
एक वेगळी वाट अन ते धाडस ......नेहमीच अविस्मरणीय अन ...तुफानी ठरत.
पहिल्यांदा घोरपडी सारख ....हात अन पाय दोघांचा उपयोग करून
....निसरड्या गवतातून आणि माखलेल्या चिखलातून . भर पावसात ....सरींचा मारा खात
...अन एक एक पावूल हळूच सावकाश ...टाकत ....मनाचा तोल सांभाळत ...ती उभी निसरडी
...आणि एक बाजूला खोल दरी असलेली ती चढण चंदू लागलो.
काही वेळातच कसे बसे माथ्य्वर पोहोचलो ....खरे ...........पण
वर पोहोचताच कळलं.....कि आम्ही चुकीच्या ठिकाणी आलो आहे
.....चुकीच्या डोंगरावर ...
समोरून च मृग गड दिसत होता ...जिथे आम्हाला खरे जायचे होते .....
आमचा बरासचा वेळ आता वाया गेला होता . आणि महत्वाच म्हणजे आलो त्या
वाटेने पुन्हा जाने म्हणजे
खूपच रिस्की वाटू लागल होत.कारण कुठूनही वाट न्हवती .....सगळीकडून
उभी खोल दरी ...
चढण खूप सोप असत ...पण उतरण फार कठीण......
शेवटी नाईलाज म्हणून ...पुन्हा त्याच वाटेने .... उतरायचं ठरलं
...आणि
पुन्हा ते धाडस करून कसे बसे ...आम्ही खाली उतरलो.
अन दुसर्या वाटेने जाऊ लागलो ..एका डोंगराला वळसा घेत ...
पुढे काही वेळातच एक गुहा दिसली. एका वेळी एकंच माणूस त्यात जाईल अशी
ती गुहा...
अशा गुहे मध्ये जाण्यात मला नेहमीच फार उत्सुकता असते. त्या
उत्सुकतेतच मी त्या गुहेत जाण्याच ठरवले ....आणि एका हाती torch घेऊन .....पुढे
पुढे जाऊ लागलो .
ती गुहा सरळ सरळ पुढे गेल्यावर उजवीकडे वळते आणि तिथून पुन्हा ती
खाली जाते खालच्या दिशेने आणि
तिथून पुन्हा सरळ ....आणि पुन्हा कुठे वळते ते ठाऊक नाही .....
कारण त्याच्याही पुढे जाण्यचे धाडस न्हावतेच ...कारण अचानक समोरून
काही प्राणी म्हणा किंवा इतर काही आले तर त्वरित मागे फिरणे ......फारच कठीण आणि
जीवावर बेतणार ठरू शकत. म्हणून पुन्हा मागे फिरलो .
अन गडाची वाट पकडू लागलो .
थोड्या वेळात पुन्हा एक चढण आली ....आणि त्या उभ्या दगड धोंड्यानच्या
घळी मधून आम्ही वर आलो . आणि समोरच ते दृश्य पाहून .....त्या खडकात खोदलेल्या
पायर्या पाहून तो आनंद आमचा गगनात मावेनासा झाला .....
कसे गेलो :
ठाणे ते खोपली - (२ तास )
लोकल ट्रेन (ठाण्याहून )
पहाटे : ५:११ ते ७:००
खोपोली ते परळी (अर्धा ते पाऊन तास )
एसटी
सकाळी : ७:२० ते ८:१० ते ८:१५
परळी ते भेलीव ( अर्धा तास )
टमटम :दहा आसनी रिक्षा
सकाळी : ९:३५ ते १०:०५
भेलीव(गडाच्या पायथ्याच गाव ) ते गडमाथा
सकाळी १०:०५ ते दुपारी 1:३०
आमचा बरासचा वेळ वाया गेला चुकीच्या वाटेने गेल्यामुळे त्यामुळे इथे
अधिक वेळ लागला ,
अन्यथा १ तासात आपण गडाचा माथा गाठू शकतो.
गडाकडे जाणारी वाट:
गडाकडे जाणारी खरी वाट हि भेलीव गावाच्या थोड्या वर असलेल्या कातकरी
वाडीतून जाते . हि वाट थेट आपणास एका घळी पर्यंत पोहचवते मग तिथून वर आलो कि समोरच
दगडात खोदलेल्या पायऱ्या दिसू लागतात . त्या पायऱ्या चढत आपण गडावर प्रवेस करतो .
गडावर प्रवेस करत असताना आपणास थोडी फार तटबंदी दिसते .
आपण जिथून प्रवेश करतो तिथेच त्याच्या उजव्या हाताला
महिशासुर्वार्दिनी च एक शिल्प आहे आणि मधेच एक तडा गेलेली शिवपिंड दिसते . आणि
त्याच्या बाजूला हाती डमरू आणि त्रिशूल असलेल एक शिल्प.
तिथून सरळ पुढे पुढे जात आपण २ टाक्यां जवळ पोहोचतो. त्या दोन
टाक्याच्या मधून थोडा पुढे आलो कि समोरील सुंदर परिसर न्ह्याहालाता येतो .
संकेत य.पाटेकर
२७.०८.२०१२
परळीत पोहोचल्यावर थोडी पोट पूजा करत असताना आम्ही
डावीकडून हेमंत.. मी ..आणि लक्ष्मण
मृगगड आणि एकीकडे मोराडीचा सुळका...
मृगगड...
आम्ही चौघे ....आणि पाठीमागे मोराडीचा सुळका...
मी ..
दगड धोंड्यातून उभी चढ चढत असताना ....
मोराडीच्या सुळक्याकडे ..........लक्ष्मन आमचा
लक्षा उर्फ मेन इंजिन..
डोंगर दरयांच विहिंगमय दृश्य..
गडाकडे कूच करताना ...मृग गडाचा map पाहताना...
हेमंत ...किशोर आणि लक्ष्या उर्फ बाळू दा...
एका बाजूला खोल दरी ....आणि निसरड्या ओल्याचिंब
गवतातून त्या मातीतून सावकाशपणे पाउल ठेवत खाली उतरताना .....
गडाकडे जाणारी वाट..
हीच ती..............वेडी वाकडी ....गुहा..
गुहेच्या आत जात असताना .......मी...
ह्या घळी तून वर गेल्यावर ...समोरच दगडात खोदलेल्या
पायऱ्या दिसू लागतात ..तिथूनच गडावर जाता येते.
ओसंडून वाहणारा आनंद ..............
गडाच्या माथ्यावर नेणारया पायऱ्या...
पायऱ्या चढत असताना ............दगडात कोरलेले
एक शिल्प दिसत.
महिषासुर्वार्धिनी देवी.
महिषासुर्वार्धिनी देवी ....शिवपिंड आणि एका
हाती डमरू अन त्रिशूल घेतलेलं शिल्प.
एका हाती डमरू अन त्रिशूल घेतलेलं शिल्प.
पाण्याच दोन टाकं..
समोरील दृश्य..
मृगगड
अंबा नदीच्या पात्रात ,…
अंबा नदीवरील अरुंद पूल...
अंबा नदीवरील अरुंद पूल..
मानखोरे (माणगाव ) येथून परळी करता टमटम मिळते
( भेलीव पासून काही अंतर पार केल्यावर माणगाव लागते )
सकाळ वृत्त पत्रात आलेली मृगगडाची/ भेलीवचा
किल्लाची माहिती.
